‘Gamsa lamdang’ mu hidan a gen zieh in Minister Shyamkumar leh Forest Team te’n spot Inspection nei

62
views

Forest and Environment Minister Shri Thounaojam Shyamkumar leh Forest and Wildlife official leh staff te’n Imphal river nai, Ningomthong Kitna Panung, Imphal East ah spot inspection nei uhi. Tam etkhietna ahileh Mutum Inakhunbi in zani nitah nai 3.30 lah a ‘gamsa lamdang’ 2 mu hidan a gen zieh ahi hi. Minister Th. Shyamkumar in media person te kihoupina ah Imphal lui bang lah a tambang gamsa tuom mu a umte ahileh muol apat kum suh gamsa neute hiding in gen a, sil umdan suichien ding in Wildlife Institute of India apat expert 3 zing chieng in Imphal tung ding hi’n tahlang hi.

Minister pa’n genbe na ah Forest and Wildlife team te’n pan nasatah in la ua, Forest Act toh kituoh a gamta ding leh social media lah a thuzuou kithezah apat pilvang ding in theisah hi. Lui baang lah siengthou thei nading bawl ding in ngen hi. Hinanleh loupa gawte moh hal mailou ding in theisah a, gamsa dangte ading in hoilou ding chi hi.
Shri Th. Mohendra Pratap Singh, Conservator of Forests, Central Circle in zong Forest Department in tam thu theichien sawm in panla hi’n gen a, Manipur Zoological Garden a suizuina pei ban ah muol tawzang lah ah thaang kam in gamsa man sawm uhi.
Wildlife Institute of India, Dehradun apat expert 2 – Dr M. Vikramjit Sharma leh Dr N. Sharmila te’n ahileh Forest and Environment Department official te suizuina toh kisai in panpina pie ua, mipite kithuopina poimaw hi’n tahlang uhi.

Tuni etkhietna hun ahileh Shri Kereilhouvi Angami, PCCF and HoFF, Shri DJN Anand, PCCF (Wildlife) & Chief Wildlife Warden, Shri Anurag Bajpai, Chief Conservator of Forests (Wildlife), Shri RK Amarjit Singh, DFO, Central Forest Division leh adangdang te’n zong zui uhi.

SHARE