Rail pawhzah in mi 3 liem

22
views

Kamakhya-Dekargaon Intercity Express (No 15815) rail ahileh Harisinga Railway Station, Udalguri district nai ah zan nai 7 vei in pohzah a, mi 3 in liemna tuoh uhi. Tam pawhzah kipatna bomb ahilouleh short-circuit chi theichien hinailou a, Northeast Frontier Railway (NFR) official thusuo in agenna ah coach No. 4 ah mi 3 in liemna tuoh uhi. Liemna tuohte khat ahileh Rahul Das hidan in theikhiet hi a, adangte ahileh thei hinailou hi. Liemna tuoh gimse lah a Rahul Das ahileh Gauhati Medical College & Hospital (GMCH) ah refer hi a, adang khatpa ahileh Harisinga Civil Hospital ah admit in um hi.

NFR official te’n tam pawhzah short-circuit apat kipan hiding gingtat thu gen uhi. Dekargaon zuan rail ahileh Harisinga mun a taangden hi a, tam siltung zieh in IGP, BTAD, Anurag Agarwal chite’n amun lam del uhi.

SHARE