BJP campaign scrutiny jou chia pat hiding: CM

72
views
CM_Biren

Manipur Chief Minister N Biren Singh in Lok Sabha seat tegel a BJP in guolzawna tang ding hidan in tahlang hi. NDA government in Centre ah vaihawmna len kia ding hidan in zong gen hi.

Imphal West district sung Wangoi mun a BJP candidate — RK Ranjan (Inner seat) leh Benjamin Mate (Outer seat) lawchin nading vang ngetna nei hun in Chief Minister pa’n mipi te’n BJP support ut chiet ahidan tahlang hi. Tam Lok Sabha election a BJP jokhiet sil hamsa hiding a, tualeh poll survey jousie in zong BJP guoljou ding in mukhol chi hi. State sung a BJP candidate tegel ading full fledge campaign ahileh scrutiny jouchieng in nasatah a pat hiding chi hi. Outer Manipur seat a scrutiny ahileh March 26 in umding a, Inner seat a ahileh March 27 in umding hi.

Alangkhat ah BJP Inner Manipur seat candidate Ranjan in atup pi pen ahileh State buoinate Centre a tung sah ding leh khanglaite poimaw suhfel sah ding ahidan tahlang hi. Manipur ah April 11 leh April 18 in election nei hiding a, outer Manipur parliamentary constituency (ST) a 28 Assembly constituency (phaizang constituency 8) tel in April 11 in nei masah hiding hi. Inner Manipur parliamentary constituency a 32 assembly constituency te’n ahileh April 18 in vote khietna neiding uhi.

SHARE