BJP in Tengnoupal ah flag hoisting ceremony nei

18
views

MPCC president G. Gaikhangam thugen toh kisai Chief minister N Biren in agenna ah mipite khut ah NDA ahilouleh UPA koizaw colonial ruler ahi ei chi Lok shaba 2019 election a kilang ding hidan in gen hi. Tam thu ahileh Manipur chief minister N Biren in Tengnoupal district headquarter mun a flag hoisting ceremony hun in gen hi.

H.S. Benjamin Mate, BJP candidate Outer Manipur Parliamentary Constitution ading flag hoisting ceremony cum public meeting  ahileh Tengnoupal play ground ah nei in ana um a, BJP supporters tamtah te’n uop uhi. Thoubal district sung outer PC in ahuom khah nalah apat supporter tam tah zong kihel uhi.

Chief guest hina toh uop N Biren in congress MP tulel a term 2 paw te nasep khiet toh kisai white paper nget ding ahi chi a, adieh in Thoubal district a constituency segement 7 um te ah asep khiet uh thei nuom huoi chi a, tua chieng in i vote ding leh vote lou ding tel niu chi hi.

CM pa’n congress tung a demna bawl in Congress Inner Manipur PC candidate PC O. Nabakishore ex-chief secretary, Manipur van nei zat (property) ahileh income toh kituohlou ahiban ah Outer PC candidate K. James zong fraud case nei hi a, CBI in suizuina anei lai tah ahi chi hi. Amaute telching hileh Tengnoupal zong Myanmer lam a zuakhe mai thei uhi’n ngaw hi.  Congress party in BJP ahileh anti-Christian hidan a ngaw in bawngsa neh ding kham chite gen ua, Manipur ah bang zat vei a um tai chi hi. BJP in mipite bit nading khuol a, Kuki-Naga clash, Meitei-Naga clash chite congress hun lai in ana kithang mama a, BJP hun in zah phah hinonlou chi hi.

Kum 2 peisa in BJP vaihawm pan a, tutan in hill leh valley kal sawng hudim phiel ta a, tuni tan in congress te’n singtang gam pha a mun le muol leh khantouna tun sah ding ngap nailou uhi’n ngaw hi. Tam thu mit a mu thei nading ahileh K. James, Outer Manipur PC candidate ading flag hoisting programme ahileh Sangaiprou, Imphal city ah nei in um chi hi.

Tuni vaiguon ah BJP Manipu unit president K. Bhabananda, Works minister, Th. Bishwajit, social welfare minister Nemcha Kipgen, CAF&PD minister Karam Shyam, education minister Radheshyam, BJP MLAs, ADCC members, Zilla Parishad Thoubal leh BJP lamkai dangdangte tel uhi.

SHARE