Congress in Benjamin Mate thuchiem shinei-langnei hi’n ngaw

80
views

Manipur Pradesh Congress Committee (MPCC) in tuni’n BJP tung ah demna bawl in Lok-Sabha election Outer Manipur Parliamentary Constituency a guol jo thei nading a communal politics (shinei-langnei) peipi uh’n gen hi.

Congress Bhavan, Imphal mun a spokesperson Khumukcham Joykishan in agendan in BJP candidate outer Manipur PC in Kuki mipite ading point 6 social networking site adieh a messaging app WhatsApp ah thezah hi’n tahlang hi. Chief Minister in  BJP in communal politics peipi lou hidan in tam vei tah ana gen nan leh BJP in Naga leh Meitei dem a Kuki hamphat nading ngen gen Benjamin Mate police in man ding in theisah uhi.

Journalist Kishorchand government gensiet zieh a NSA nuoi a mat ahithei leh bang ding a Benjamin Mate in state mipi khenzah nading thusuo abawl zieh a mat hilou ding e chi’n dohna bawl uhi. Government zong singnuoimi khut nuoi a nasem uhi’n ngaw a, kichet nading in state Assembly session lai a Chief Minister pa’n Moreh Market complex ahileh outlaw organization khenkhat zieh apat thei a um nailou hidan a agen tahlang hi.

BJP in 7th Pay toh kisai thu chiem ana bawlte khat zong tangtung lou ahidan gen a, tualeh RIMS road siem tha ding toh kisai zong heilam a umta e chi’n Joykishan in dohna bawl hi.

Benjamin Mate in Kuki mite kung a vote suina social media a athe zah tambang ahi:-

  1. 2021 census umding leh Manipur Assembly ah Kuki MLA tamsem um thei nading ngaisut ding.
  2. Naga FA ahileh ut in ut sih lei suoi kai hipai ding a, Kukis te’n zong political solution Naga te asang a lian zaw ahilou tawp a kikim neithei nading Kuki MP poimaw.
  3. Kuki te’ district tha ineite ua special financial assistance ahilouleh special Development Packages kailut ding Kuki MP poimaw.
  4. India leh Burma kal hoi mama ta ahizieh in Kuki border village te ah border hub/commercial hub Kamjong, Tengnoupal, Chandel leh CCpur a siem ding MP hoi poimaw.
  5. Kuki khuo jousie kizop tuo sah ding leh Naga leh Meitei district tuonlou a lampi siem ding.
  6. Jiribam leh Moreh Commercial hub chite Kuki te khut nuoi ah act east policy tungtawn a um sah ding
SHARE