EC in PM Modi thugente enchien ding Committee siem

EC in PM Modi thugente enchien ding Committee siem

Election Commission in zani’n Prime Minister hamkam suo leh thu genkhiet te enchien ding leh suizui ding in committee siemkhie uhi. Lok Sabha election ding toh kisai a Model Code of Conduct zah ahizieh a tam bang committee siem a um ahi hi.
Election Commission spokesperson in agendan in officer tuomtuom committee a tel te’n suizuina nei ding ahidan tahlang hi. Prime Minister in India mipi jousie zah ding a electronic media zang a thu genkhiet aneite zong ECI kung tut in umta hi’n gen a, Commission in Model Code of Conduct toh kituoh nai chi suizui ding hi’n ECI spokesperson Sheyphali Sharan in ana tahlang hi.
Prime Minister Narendra Modi in nilaini in India in anti-satellite missile zang a live satellite kapkhiet thei nading nei ahidan ana gen a, tualeh space super powers lah a tambang lawchinna um zepzep lou hi’n ana tahlang hi. Defence Research and Development Organisation (DRDO) in India ading a anti-satellite weapon — A-SAT — masa pen Balasore, Odisha ah ana test uhi.
Opposition party te’n tam PM thugen in Model Code of Conduct kal ahidan complain bawl ua, EC kung ah action lahkhum ding in phut uhi. CPI(M) in EC kung ah lekha seplut in PM pa heh uhi.