IIT Guwahati ah data science zil thei

19
views
Data Science

Kum tamlou peisa apat technology lam adieh a artificial intelligence leh SME lam nasatah a khantou zieh in IIT Guwahati a zong MTech programme in data science zil thei ta hi.

IIT Guwahati a department 3 – Computer Science and Engineering, Electronics and Electrical Engineering leh Mathematics  ah tam MTech programme in data science zil thei ta hi. Northeast ading a tambang zil thei na um sun IIT Guwahati in official website tungtawn in tamthu ana the zah ua, Data science ahileh tulel ada academia leh industry lam a pei pen hin tahlang uhi. Data science ahileh application ban ah research discipline lam ah nasatah in minthang hi. Data scientist ahileh industry a kidei mama lah a khat hita hi. India ah data science leh analytics professional kitasam a, 97,000 vacant job um jou hi. Data science toh kisai demand-supply gap ahileh lian mama ahizieh in opportunity hoi tah um hi.

Online application ahileh March 16, 2019 in kipan a, April 8, 2019 in khah hiding hi. Written rest ahileh IIT Guwahati ah May 13, 2019 in nei hiding hi.

SHARE