JDU Candidate Hangkhanpau Taithul in Hausate kimupi

30
views

Lok Sabaha election umding a Outer Manipur (ST) Parliamentary Constituency a Janata Dal United (JDU) candidate Hangkhanpau Taithul, Ex President UZO & Ex – Minister leh President JDU Manipur in tuni April 1, 2019 nitahlam dah 1 in Press Club Headquarter Veng, CCpur ah 60-Singngat Assembly Constituency sung a Singgat Area, Muallum Area, Suangdoh Area, Behiang Area Leh Tuaitengphai Area khua-hausa-te kimupi in, houlim khawmna neipi hi.
Tam hun ah JDU intending candidate Hangkhanpau in tutung a 17-veina Lok Sabha Election ah JDU National in Manipur ah zong party MP candidate guan ding chi ahi tawh kituoh in Outer Manipur a candidate ding in JDU National in March 5, 2019 a ama guan ahidan gen a, nasep pan ngal in phaizang a assembly constituency 7 ah party worker-te tawh hun tam zaw zang in, tuni tan 380 vei camera meeting nei ahidan gen hi. Manipur ah inner leh outer ading a mi tuomtuom feedback alahna ua pat tutung MP election ah JDU in khatna la ding a, Congress in nina ban ah BJP in thumna lading ahi chi hi. JDU in tup leh ngim anei-te hoi mama in, adieh in Manipur a BJP in Citizenship amendment bill CAB puohkhiet nading tawh kisai a kiphinna nei Meitei pangngal pawl in JDU patat huoi ahi chi ua, tutung election ding vai ah BJP leh Congress in JDU bangmah in mukei nan leh mun tuomtuom a hun zatna uah BJP deilou tamzaw ahidan mukhie hi. India constitution nuai ah Schedule tribe, Schedule caste-te kum 10 dan etkai a, innten lou ten hoi deu chiang a reservation uh lahkhiet ding chi thu ah BJP lunglut mama ua, India gam ah JDU in sakhua vai ah khentuam nei lou in mipi zalenna ding tangtah in peipi nanleh BJP in sakhua vai ah ah khentuam nei in, Hindu sakhua hoidan tangkoupi ua, BJP party ahileh mipi a muan mama uh congress sang a BJP vaihawmna dengdel zaw ahi chi hi.

India gam kivai hawmna democracy nuai ah party hoi tungtawn a gamsung leh mipi bawl thei ahina ah JDU party peidan zuipi ding a ngetna bawl in, JDU in tutung a lochinna ngah a, Manipur ah inner leh outer a JDU telching ahi ngeingei leh Member of Parliament 70 ah telpha ding ahidan gen hi. Manipur ah Party tuomtuom alah khiet zolou uh, state mipi-te chimtah mama India Army ten thu neina sangtah tawi a, mi kaplum theina power anei uh ASPA pen JDU in lakhia ding ahi chi a, mihing hina ah deidan leh ngaihdan kibang kei nan leh tup leh ngim kibang ahi man in, kengkhat a ding a kalsuan khawm hunta a, telching ahileh Parliament ah mipi-te adia nasa tak a tangkoupi ding ahidan gen hi. JDU in ahing tungding April 5, 2019 in YPA GHQ Hall, hiangtam Lamka ah public meeting nei ding a, Tam hun a Mohamen Affa Amed Khan general secretary incharge north east in chief guest hina tawh uop ding a, Mayeshwari Hazari, Minister of urban development, government of Manipur, Sanjay kumar President JDU national ten tam hun uop ding chi hi. Tam hun zingmawng lam dah 9 leh dah 10 flag hoisting zong umding a, mipite’n ngai poimawpi a JDU tup leh ngim neite ngai khe ding in news tungtawn in chialna bawl hi.

SHARE