KCP Nando matkhiet nading in suizuina nei

15
views
nando

Imphal East District Police Team in Imphal East district area sung mun tuomtuom ah search operation bawl in trial prisoner Thokchom Nando, KCP Nando JNIMS Hospital apat taimang hawlna nei uhi.

Police team in inn chin a suizuina Taret Khul, Tiger Camp leh Happy Valley village lah zinglam nai 5 apat 7 kikal sung in Sagolmang Police Station huom lah a nei uhi. Tam search operation ahileh Superintendent of Police/Imphal East Jogeschandra Haobijam lamkaina nei ahi hi. Tam hun in inn 70 vel Taret Khul lah a hawl in um hi.

Alangkhat ah Imphal East District Police apat RK Charles, DSP Ops/IE leh CDO IE teams, Porompat PS, RL teams leh WPC te’n Wangkhei Angom Leikai lah zinglam nai 5.20 apat 6.40 tan suizuina nei uhi.

Tam suizuina ahileh Th. Krishnatombi Additional SP Ops/IE leh Jogeschandra Haobijam, SP/IE thupiehna toh suizui ahi hi. Inn 227 suizui ua, mi 620 vel verified bawl uhi. Tuni tan in matkhiet koima um nailou hi. Licensed nei double barrel thau khat ahileh mukhie ua, Porompat Police Station ah pie uhi. Tualeh Imphal West Police leh Imphal Commando Unit te’n Wahengbam Leikai leh Jiribam Bus Parking lah search operation nei uhi. Tam hun in id proof neilou mi 19 man in City Police ah pekhie uhi.

SHARE