Kuki Students’ Organization, Chandel in Model Residential School Khengjoi Sub Division apat Chandel Headquarters a suon ding toh kisai kiphinna anei uh khawlsan ta uhi.
Student body in masang in naikal 48 bandh March 25 apat abawl sawm uh April 1 in ana suon ua, Chief Minister leh local Minister toh meeting nei tungtawn in MRS tha siem sah ding in chiem hi ua, tuazieh in kiphinna khawlsan uhi. KSO Chandel leh Chief Minister ban ah local Minister te’n Lok Sabha Election jou chieng a meeting tha neiding in chiem ua, tulel in Model Code of Conduct zieh in Government ahileh bangma sem theilou ahidan theisah uhi.
Thangjalun Haokip, President KSO Chandel in tam Model Residential School ahileh amasa in Khengjoi Sub-division ading in pieh himasa a, mipite hamphat nading leh siem sin nalam hoi tah um lou zieh a bawl ahidan gen hi. Chief Minister N. Biren Singh in April 30 election jou chieng a kihou tha ding leh Model Residential School tha toh kisai kihou ding in theisah a, tam hun local Minister Letpao Haokip, Minister Water Resources and YAS leh Kuki Chief Association, Chandel, KSO Chandel ban ah KSO Khengjoi block te zong tel uhi.