Myanmar Army te’n Northeast singnuoimite camp suhsiet sah

96
views
singnuoimi

Myanmar Army te’n operation ha bawl seng zieh in northeast singnuoimi group tamtah ahileh camp ua pat taikhie in Northeast state lut uhi. Myanmar army te’n ahileh a camp te uh suhsiet sah uhi.

Northeast singnuoimite tung a pressure sang tah koi ahizieh in B Saoraigwra nuoi a National Democratic Front of Boroland (NDFB-S) hardcore cadre 28 ahileh Mynamar nuasie in Assam lut uhi’n kigen hi. NSCN-K, ULFA-I, NDFB-S, KLO leh Tripura ban ah Manipur singnuoimi group tuomtuom camp ahileh Myanmar Army te’n suhsiet sah uhi’n kigen hi. Tualeh galvan tamtah mukhiet a um ta chi uhi.

Northeast singnuoimi 18 leh 22 kikal vel zong Myanmar security force te’n kanlum ta ua, NSCN-K, ULFA-I, NDFB-S leh group dang khenkhat apat singnuoimi tamlou zong Myanmar security force te’n man uhi.

Myanmar apat taidoh Evangel Narjary alias Ne Esera, foreign secretary NDFB-S ban ah Kapurpura village, Swrangjuli Mazbat, Udalguri district ahileh security te khut ah ana kipekhie hi. Political Science a masters degree nei ban ah Certified Industrial Accountants (CIA) Ne Esera ahileh Diamond English Medium School, Udalguri a principal lui hi a, NDFB-S September 6, 2013 in ana zom a, Myanmar ah training pieh in um hi. 2014-2015 lai in information and publicity secretary in guot ana hi a, tua jou April 15, 2015 in foreign secretary tuh sah in um hi. United National Liberation Front of Western South East Asia (UNLFW) drafting committee member zong ahi hi.

SHARE