NPP in YPA Hall ah public meeting nei

63
views
YPA

National People’s Party (NPP) National President & Chief Minister of Meghalaya Conrad K. Sangma in tuni’n Outer Manipur MP Candidate Thangminlien Kipgen a ding YPA GHQ Hall, Hiangtam Lamka ah Public Campaign hing nei hi. Tami hun ah Conrad K. Sangma in Party dang banglou a NPP Party pen North East pumpi a Political Party te’n lungkhat leh thakhat a common platform anei theina ding a kibawl political party ahidan gen hi. NPP Party phutkhetu, a Pa PA. Sangma tuin i lah ua, um theisih nanleh North East mipi ding a vision leh Political platform a bawlsah NPP Party pen tunitan in peitou a, zong Indian Political Party te lah a Party khang hat mama te lah a zong chiemte ahi chi’n gen hi.

Aman agenzelna ah North East pumpi in Lok Sabha MP 25, nei a, Rajya Sabha MP toh kigawm in MP 39 nei chi hi. Tuami MP 39 te’n common platform leh common vision & voice khat a North East mipi hasatnate genkhawmna in zang leh bangzatah a Government in North East mipite hasatna dong lou ding ahei chi’n gen hi. Congress hunlai in North East State pen Look East Policy a peipi ahi’a, hinanleh tu BJP Govt. in Act East Policy chi’n peipi hi. Hinanleh tuni’a North East mipi leh khangtha te’n Look East & Act East Policy sepsuona ding ah panla tha vai chi’n gen hi. Public Meeting hun ah Home Minister Joy Kumar in party dang banglou a NPP Party pen principal kituptah nei ahin ah Citizenship Amendment Bill, 2016 hun ah theitawp suo in nang a, nang zong nang jou chi hi.

SHARE