Thoubal district a School khat mei in kang

78
views
thoubal_fire

Salungpham High School, Salungpham Maning Leikai Village, Thoubal district ahileh zani zankim lah vel in mel theilou te’n mei in hal tum uhi. Salunpham Mayai Leikai ahileh Heirok Assembly Constituency sung a um hi a, MLA Thokchom Radheshyam ahileh state government nuoi ah Education Minister hinalai hi.

School Head Master Phuritsabam Tomba in agendan in zankim tuom lah a hal hiding in gingtat thu gen a, Chowkidar pan phone tungtawn in theisah chi hi. Tam thu zah tah in vengsung mipite toh amun del pai in mei phel mit sawm uhi. Tam mei kang zieh in Administrative block tel in class room 7 kangse dimdem a, school a document poimaw, Computer sets leh science equipments chite kangtum hi. Vangphat huoi tah in class room 6 ahileh Fire Service team, Thoubal leh Yairipok  te’n humbit thei uhi. Tam mei kang zieh a kisie te ahileh Rs. 30 lakhs man jou ding hi’n school authority te’n gen uhi.

School document poimawte inn mai a haltum a mu ahizieh in tam bang gamtatna bawlte school bei nading ngaisut hiding in gingtat thu gen a, masang lai in computer set kigu zong ana tuoh ngai uhi’n gen hi. Chowkidar Amuba in zani Lai Haraoba zieh a inn tung ha ahidan gen a, an neding a kisah lai in alawm te’n tamthu hil chi hi. Tam siltung zieh a lugnkimlou Salungpham mipite leh student te’n lampi khah in tambang gamtatna bawlte kin thei pen a mankhe ding in theisah uhi. Heirok Police in case gellut in suizuina pan uhi.

SHARE