Zoukhonuam lam apat kani pawlut um hidan in Police te’n report mu

145
views
khamthei

Meltheilou pawlkhat in Old Khaukual (Indo-Myanmar border) leh Suangkuong/Zoukhonuam lampi zui in Kani (Opium) hing pawlut ding uh chi Singngat Police te’n Information & Report amu uh dungzui in March 30, 2019 ni’n Zoukhonuam area ah tangpang ua, tuanah ginmaw mi 3 sai-ip (sack) puo matsawm nanleh uh Myanmar lam ah taikhie in kihemkhie uh chi’n Police report in gen hi.

Sai-ip puo mi 3 te’n a taisan uh sai-ip sung apat Police te’n Opium ding a gintat 7.5 KG of Opium mukhie ua, chetna suikhiet na ding in plastic bag tuomtuom a kitun Opium/Kani apat 10 grams chiet lakhie in a dang teng Singngat Police Station Malkhana ah koi leu uh chi’n report in genbe hi.

Siltung toh kisai in Police te’n FIR No. 5 (3) 2019 SGT-PS U/S 18 ND & PS Act registered in case suizuina zong nei uh chi’n report in gen hi.

SHARE