Akhat veina ding in Sumo Wrestling kimawlna um

28
views
sumo_wrestling

Imphal, November 22, 2018 (DIPR): Chief Minister Shri N. Biren Singh in Japan leh Manipur in kizopna hoizaw nei thei nading siem in government in panla chi hi. Tam thu ahileh Sumo Wrestling Event, Khuman Lampak Indoor Stadium, Imphal West mun a nei hun in gen hi.
Tam vaiguon ahileh Manipur Sangai Festival 2018 zahna toh kisai a nei hi a, Salai Holding Private Limited in Department of Tourism, Government of Manipur toh kipawl a sai ahi hi. Indoor Stadium sung ah Sumo Wrestling masa pen ending mipi adim in kikai khawm uhi. Chief Guest hina toh uop Chief Minister pa’n Japanese government in Manipur toh kizopna hoitah siem ut ahidan gen a, hinanleh Manipur mite’n zinbawl dan siemlou zieh in lungkie uhi’n gen hi. Salai Holding Pvt. Ltd in Sumo wrestling sai zieh in kipahpi mama hi’n gen hi.
Chief Minister pa’n agenbe na ah State sung a foreign tourist lut 2014-15 lai a 300-400 apat 2017-18 in 4000 tourist in khang jou chi hi. Princess of Thailand leh US Ambassador te’n zong Manipur Sangai Festival ni 7 ni leh ni 8 ni mang ding ahidan gen hi. Thang-ta leh traditional Mukna chite zong Sumo wrestling kipatma in pulahna nei uhi. Minister for YAS Shri Letpao Haokip in zong vaiguon uop hi.

SHARE