Indo-Myanmar Sangai Business Summit 2018 hongkhietna CM Biren Singh in nei

19
views
sangai_festival

Imphal ah Visa Office hon hipai ding: CM

Imphal, November 26, 2018 (DIPR): Chief Minister Shri N. Biren Singh in Visa facilitation Office ahileh Imphal ah hong hipai ding a, gam 30 ading Visa pekhe theiding hi’n gen hi. Tam thu ahileh Indo Myanmar Sangai Business Summit 2018 hongkhietna Hotel Classic Grande, Imphal mun a nei hun in gen hi. Tam Summit ahileh Act East Policy Committee, Government of Manipur in Business Excellence Group Manipur toh kithuo a asai ahi hi.
Chief Minister pa’n agenna ah Manipur Government in Myanmarese pilgrim Bodh Gaya vena neite ading Guest house siem namun ding gam peding in gen hi. Tualeh bandh leh blockade hun a gas leh petroleum product kitahsapna um zing toh kisai Union Ministry in Guwahati-Silchar- Imphal kikal pipeline siem nading survey panta chi hi. Gam 2 te kal a kizopna hoisem um thei nading in State Government of Manipur in State Level Committee siem in Act East Policy hoitah a zah ahithei nading panla uhi’n gen hi. Manipur in Myanmar toh kinaina hoitah nei ua, tuazieh in trade, commerce, culture leh tourism lam a kizopna hoisem nei nading lianpi um hi’n gen hi.
Chief Minister of Sagaing Dr. Myint Naing in gam 2 kal a kizopna hoisem um nading a panla ding in gen hi. Gam 2 kal a kinaina leh kichi matna tamtah um ahidan zong tahlang a, tualeh Chief Minister pa leh Manipur mipite kung ah Sagaing pha in Naga Traditional Festival 14th -16th January 2019 um hun a uop ding in chiel hi.
Minister for Development, Sagaing, Myanmar Shri U. Myint Kyi, Minister for Social Welfare, Sagaing, Myanmar Dr. Zaw Win, MLA of Kakching AC Shri Y. Surchandra, MLA of Khurai AC Shri L. Susindro, Myanmar leh India delegate te’n vaiguon uop uhi.

SHARE