Manipur a Shiing leh Ai-san 15 MT lah nading MOA suoikai in um

40
views
Minister_Shyamkumar
Minister_Shyamkumar

Manipur Organic Mission Agency (MOMA), Diocesan Social Service Society (DSSS), Imphal leh Riverbeki (OPC) Private Limited, Guwahati te’n Memorandum of Agreement (MOA) suoikaina Horticulture and Soil Conservation Minister Shri Thounaojam Shyamkumar theipina toh nei uhi.

New Secretariat office mun a Minister Th. Shyamkumar in agenna ah tripartite MOA ahileh shiing (ginger) leh ai-san (turmeric) gaw 15 MT (metric tonne) lah nading hidan in gen hi. Horticulture and Soil Conservation Department panpina toh MOMA panlahna zieh in state loubawl mite nasatah a phattuom ding hi’n genbe hi. Loubawl mite’n van zua nading lungkhamlou ding in theisah a, department in panpi ding ahizieh in lou haichi khan thei nading ngaisut in panla ding in theisah hi. Manipur apat piengkhie vante ahileh Europe leh gamdang ah thot khiet hiding a, State apat atam sem leh hoizaw thotkhiet nading panlah hiding chi hi. Horticulture and Soil Conservation Department in Manipur organic state suoh sah nading mission toh panla hidan in tahlang hi.

K. Debadutta Sharma, Project Director, MOMA in agenna ah tuni’a MOA suoikai a um in shiing lei bawl mi 2,000 leh aisan lei bawl mi 2,500 hamphatna peding chi hi. Tuni suoikaina ahileh Prajnan Kumar Roy, Director, Riverbeki (OPC) Pvt Ltd., Guwahati; Avince Anthony Dilbung, Director, Diocesan Social Service Society (DSSS), Imphal leh K. Debadutta Sharma, Project Director, MOMA te’n nei uhi.

SHARE