Khawllou a leng Tamenglong Amur Falcon Somalia vanlaizawl tungta

17
views

Kum siel a Manipur ve zing Amur Falcon te ahileh kal 4 nua chia nua mu ahinonlou zieh in alenna lampi theisawm in pan lah in ana um hi. Africa gam eilam nai pen Somalia tung nading a Manipur apat zuan vingveng a leng Amur Falcon te ahileh alenna lampi uh thei ahilou zieh in satellite tagged bawl in um a, Somalia kinuale kia in tungta uhi. Satellite tagged bawl a um vasa Tamenglong min tap ahileh ni 5 leh naikal 8 sung leng vingveng in km 5,700 a pel nua in Somalia November 24 nitah nai 1 (IST) in ana tungta hi.

 

amur_falcon_tamenglong

Tam thu zieh in Forest and Environment Department, Government of Manipur in lawchinna khat ngabe uhi. Tamenglong lenna lampi thei nuom in Manipur mipite leh expert te ban ah Wildlife ngaina tute bildaw san ana um zing uhi. Tamenglong district sung a giehna November 19 in ana pawtsan in leng a, GPS data tungtawn in November 20 lah ah Odisha suohlam tuipi tung ah leng a, naikal khat in km 170 leng jou hi. November 21 in Tamenglong leh Longleng (radio tagged) ahileh Arabian Sea tung ah leng ua, Africa gam lam zuan tuoh uhi.

Longleng ahileh Yaongyimchen village, Longleng district, Nagaland a radio tagged bawl ahi hi. Tamenglong ahileh Somalia tung in khawl a, alangkhat ah Longleng ahileh Kenya ah khawl hi. Amur Falcon ahileh gram 160 vel hi a, North East India adieh in Manipur leh Nagaland ah October ha vel in ata neina uh Northern China, Eastern Mongolia leh East Russia lah apat leng ua, tua jou chien gin Africa lam zuan zel uhi. Nipi apat phalpi kal a amau khuolzinna ahileh 20,000 kms hi a, kum khat in 2 vei zinzel uhi. Manipur ah kal 3-4 sung hun zang zel ua, ganhing neute ne in ni 5 val khuolzin nading ann khawl uhi.

Also Read: Scientist te’n Amur Falcon lenna lampi theikhe ta

SHARE