CM Biren in Myanmar palaite anzaluina neipi

23
views
State Dinner with Myanmar

Chief Minister Shri N. Biren Singh in Myanmarese delegate Chief Minister of Sagaing, Dr. Myint Naing lamkaite ading in Hotel Imphal ah ann neh khawmpina nei hi. Dr. Myint Naing leh Minister for Development, Sagaing, Myanmar Shri U. Myint Kyi, Minister for Social Welfare, Sagaing, Myanmar Dr. Zaw Win te ahileh zani’n Imphal tung uhi. Atun nua sawtlou in exhibition football match Manipur leh Mandalay numeite kimawlna Khuman Lampak Main Stadium ah en uhi. Tualeh tuni’n Indo-Myanmar Business Summit, Classic Grande mun ah hun zang uhi.

Deputy Chief Minister Shri Y. Joykumar, Ministers, MLA leh high ranking official ban ah women football player leh Mandalay, Sagaing leh Manipur apat official tuomtuom zong tam ann nehkhawmna ah tel uhi.

Sangai Hall, Hotel Imphal ah cultural programme tuomtuom zong pulah in um hi. Shri Biren Singh in Myanmar lamkaite kipahpina nei a, tualeh Dr. Myint Naing in zong Shri N. Biren Singh, Deputy Chief Minister Shri Y. Joykumar, Youth Affairs and Sports Minister Shri Letpao Haokip, DGP Shri L.M. Khaute leh Manipur cultural troupe te kung ah memento piehna nei hi. Mandalay Chief Minister min in Shri N. Biren Singh, Shri Letpao Haokip leh Act East Policy Committee, Manipur, Convenor Shri R.K Shivachandra te zong silpieh (gift) piehna nei uhi. Tualeh Myanmarese Meitei numei khenkhat zong Shri N. Biren Singh in silpieh pie hi.

SHARE