Forest Minister in ‘gamsa lamdang’ laang toh kisai patau louding in theisah

371
views

Forest and Environment Minister Shri Thounaojam Shyamkumar in tuni’n State sung mun tuomtuom a ganta lamdang tah a shina tuohte toh kisai lungkham lou ding in theisah hi. New Secretariat office mun a Minister Th. Shyamkumar in media-te kihoupi hun in Churachandpur, Imphal East leh Kakching district ah tamthu report in um a, Forest Department in tamthu ngai khoh in Veterinary and Animal Husbandry Department official te leh Wildlife expert te toh zingmawng lam in meeting nei chi hi.

Aslo Read: Imphal West ah zong ‘gamsa lamdang’ laang

Tam gamsa kengkhap la in animal expert te’n suizuina nei ua, ngeu toh kibang gamsa hiding a gingtat thu gen ua, hinanleh final report ahileh muthei hipai ding chi hi. Tambang siltung um ngailou ahizieh in Forest Department in zong tam gamsa mankhe ding in team sawl chi hi. Team te’n ganta vatawt, ah, voh leh kel chite annta in neiding ua, teamte ahileh tam gamsa mat nading van hoitah keng in camera zong thuo ding uhi.

Also Read: Imphal lam ah ‘gamsa lamdang’ laang; vatawt 60 agil kikhuo san kimu

Gamsa gimnei tah a kithat ahileh Churachandpur District ah ha peisa apat zah in ana umta hi. Nitamlou peisa in Imphal East leh Kakching ah zong tam siltung genlezah in um hi.

SHARE