Mizoram Election ah voter 75 percent te’n vote khie

11
views
mizoram_election

Mizoram Assembly election tuni’n nei in um a, nitah nai 5 tan in voter 75 per cent te’n buoina bangma umlou in vote khie uhi. 2013 Mizoram election lai in ahileh 83.4 per cent vote khiet in ana um hi. Mizoram Chief Minister ban ah Congress lamkai Lal Thanhawla leh MNF President bana h CM lui Zoramthanga te’n Aizawl mun ah vote khietna nei uhi. CM pa’n Assembly seat 40 lah a Congress in 27 beh a guolzawna tangding gingtat thu gen hi.

Voter 7,70,395 te’n vote khie in candidate 209 te kitet uhi. Hun peisaapat in Congress leh Mizo National Front (MNF) kibawl thei mama uhi. Tukum election ah akhat veina ding in People’s Party (NPP) chite zong tel uhi. Northeast state teng a vaihawm Bharatiya Janata Party (BJP) in zong tam Congress hatna state lahsah sawm in pan nasatah in la ua, election masa ah ahileh BJP in seat khat zong ana tanglou uhi. Tuazieh in tutung election ah bang zat atang jou ding uai chi mipite bildawna ahi hi.

Congress leh MNF in constituency 40 ten ah candidate nei ua, BJP in ahileh 39 nei uhi. Bru galtai khenkhat zong vote khe ding n Mizoram ah kuon ua, Young Mizo Associationm, YMA te’n vaidawn kawm in CEO, Mizoram tung ah patat thu gen uhi. Vote simna ahileh December 11 in umding hi.

SHARE