Congress taisan MLA-te tung ah Disqualification Case gellut in um

96
views

Manipur Pradesh Congress Committee (MPCC) in Congress ana pawtsan MLA te tung ah disqualification case aban ban in Indian Constitution 10th Schedule tungtawn in gellut ua, MPCC MLA Thangmeiband Assembly Constituency in disqualification case MLA Bira Kumbi Assembly Constituency tung ah gellut a, 10th Scheduled of the Indian Constitution bawtsie in party ana pawtsan hi. Tam petition ahileh Article 191 (2) leh Para 2(1) (a) of the Tenth Schedule pansa gellut hi a, tualeh Manipur Legislative Assembly rule 6 zong pansan uhi.

Tambang ma in disqualification case ahileh MLA Ngamthang Haokip, MLA P Brojen, MLA Ginsuanhau leh MLA Ksh Biren tung ah Congress MLA K. Meghachandra, MLA Govindas Konthoujam, MLA O Surjakumar leh MLA O Henery tung ah bawl uhi.
November 8 in Congress MLA Kangujam Ranjit Singh in MLA Oinam Lukhoi Singh, Wangoi Assembly Constituency apat telching a um disqualified nading petition ana pelut ua, Congress MLA D.D. Thaisii in zong MLA Yengkhom Surchandra disqualification nading in petition ana pelut hi.

Also Read: BJP lamkai te’n Meeting guh nei, Congress hatsem ding in kilang

Minister Th Shyamkumar zong congress ticket toh MLA kai ahizieh in MPCC President TN Haokip in petition pelut in disqualification case nei hi.
Tam MLA tawpsah nading a case gellut a um ahileh Parliamentary Election um paiding ahizieh in buoihuoi pha ding in kilang a, Parliamentary election ahileh 2019 kum bul lam a nei hiding hi.
State Assembly Election jou in Congress in seat 28 ana nei ua, hinanleh seat 21 nei BJP in Trinamool Congress MLA khat, Nationalist Peoples’ Party (NPP) MLA 4, Naga Peoples’ Front (NPF) MLA 4 leh Jiribam apat Independent MLA khat ban ah Congress MLA Shyamkumar pansan in government March 15 in ana siemkhie uhi.

 

SHARE