‘Gamsa lamdang’ suizui ding in Dehradun apat Expert-te kihan

56
views
gamsa_lamdang

Forest and Environment Minister Shri Thounaojam Shyamkumar in tuni’a agendan in tulai a kithang vengvung ‘gamsa lamdang’ (mysterious beast) suizui ding in Wildlife Institute of India, Dehradun apat expert-te hat hi ua, ni 2/3 sung in Imphal tung pai ding chi hi. Tualeh tambang siltung um nan leh gamsa tha mipite’n khawlsan ding in theisah hi.

Ngeu bang gamsa (civet cats) ahileh phaizang ah mu in um zing ua, hinanleh amaute huhamlou in zauhuoi lou chi hi. Tuazieh in gingtat thu a gamsa moh tha mailou ding leh suizuina hoitah um nua chieng a gamtang pan ding in theisah hi.

Ganta tung a tatsietna ahileh Churachandpur, Imphal East, Kakching leh Kangpokpi district apat zah hi a, mipite patau sah mama hi. State forensic expert te tel in suizuina neitou hi a, Forest Department task force team in zong mun tuomtuom ah panla in ‘gamsa’ theikhiet sawm uhi. Expert team te’n Manipur Zoological Garden ah tuzan apat in gamsa gamtatna leh ganta nehdan (pattern) suizuina neiding uhi. Wildlife expert te’n final report bawl masang tam ‘gamsa’ matkhiet nading panlahna hamsa chi hi.

SHARE