MCPM in Dec 5 zankim apat General Strike phuong

33
views

Singnuoimi group Maoist Communist Party Manipur (MCPM) in Mongba Hanba leh Khurai Ahongpung Khubam lam nading ngetna anei uh khawlsan lou in peipi ding ua, tualeh tam ngetna ngaisah ahilou zieh in state sung pumpi general strike bawl ding uhi. Agensa uh December 6 zankim apat bandh ding chi hinanleh December 5 zankim apat bandh ding in heng ua, December 7 zankim tan hiding hi. BJP leh RSS te’n Ram Mandir, Ayodhya mun a lam nading Bhabri Masajid asuhsiet thei uleh bangding a state government in zong Khurai Ahong Pung Khubam leh Mongba Hanba lam nading agenda neithei lou chi uhi. State mipite leh CSO tamtah ban ah singnuoimi group dang te’n zong tam naikal 48 bandh kibawl sawm support chiet uhi’n genbe hi.

Maoist thusuo in agenbe na ah Manipur gam Burma te’n alem guh toh kisai government in panla lou zieh in Maoist te’n en maimai theilou a, tambang siltung Dzuko Valley ah zong ana umjou ta chi uhi. Mipite’n kiphinna nei a CM lim ahtui toh sekhum hun in leh Hostel zan khang lai a bulu ahilai ban ah gvernment dem zieh a Journalist mat ahi hun in Maoist te sip dide thei guol hinonlou chi hi. Okram Ibobi lamkai Congress hun in Maoist te’n hatna nei tuom sih nan uleh gam suse theiding leh nese thei ding te toh kisai pan la uhi’n genbe uhi.

SHARE