Constable 2013 Batch in giihna bawl, Dec 5 apat bandh um maithei

344
views
2013_batch_Constable

Manipur Police Constable 2013 batch kilahna reject a um toh kisai Joint Action Committee 2013 Police Constable Rejected Candidate te’n recruitment test teng josieng ahi nua a government in result reject sah toh kisai pomlou ding in theisah ua, tualeh December 5 masang a dawnna umlou leh kiphinna huoisie pan ding uhi’n giihna bawl uhi. Kum 5 peisa a siltung kinem tah a ngahte tung a politics play lou ding in zong theisah uhi.

Manipur Press Club, Majorkhul, Imphal mun a Y. Kiran Singh, Joint Secretary JAC in agendan in tam siltung mawpai ahidan gen a, constable candidate 3052 te’n recruitment test jousieng a qualified ahinua uh kum 5 a reject ahi pomtheilou chi hi. Y. Kiren in Manipur Chief Minister in tam candidate 3052 teng police constable post a guonglut ding leh Manipur High Court ban ah State Government, adieh a tua hunlai a selection committee Chairman Th. Radheshyam, tulel a Education Minister ban ah board member teng kung ah candidate-te kinepna thawn pie a puikhel zieh hilchien ding in theisah hi.

Tam ngetna toh kisai dawnna December 5, 2018 tan a mu ahilou leh JAC in kiphinna huoisie peipi ding a aguongsa uh pan ngal ding hi’n Y. Kiran in giihna bawl hi.

SHARE