Manipur a grassroot football khantou nading panlahna chiemte tham ching khat ding in State Government in Tata Trusts associate organisation khat Centre for Microfinance and Livelihood (CML) toh Memorandum of Understanding (MoU) suoi kai uhi.
Tam suoi kaina ahileh National Sports Academy, Khuman Lampak ah Chief Minister Shri N. Biren Singh, Youth Affairs and Sports Minister Shri Letpao Haokip leh CML ban ah Tata Trusts apat palai te tel uhi. Youth Affairs and Sports Director Shri Armstrong Pame in State Government min in suoi kai a, CML Executive Director Shri Partho Patwari in private company min in suoi kai hi. Tam MoU tungtawn in Grassroots Football School 30 siemkhiet hiding a, Kamjong, Noney, Tamenglong, Churachandpur leh Chandel District chite ah bawl hiding hi. Tualeh state of the art Centre of Excellence for Football at Khuman Lampak kichi Tata Trusts Grassroots Football Development Programme nuoi ah bawl hiding hi. Tam school te ah pasal 50 leh numei 50 ahoi thei pen a zilsah hiding ua, Centre of Excellence for Football ah education leh football training pasal 100 in nei ding uhi. Tam Centre siem nading lai ahileh Chief Minister in Shri Burzis S. Taraporevala, Senior Advisor of Tata Trusts kung ah pie hi.
Shri N. Biren Singh in genbe na ah Prime Minister Shri Narendra in flood lighting systems Khuman Lampak Main Stadium leh Khuman Lampak Hockey Stadium a bawl a um January 4, 2019 in foundation stone honkhietna neiding chi hi. Tualeh astro-turf ahileh Rs. 10 crore bei in Imphal West District a football ground leh Thoubal ban ah Mayang Imphal ah Rs. 4 crore tuoh bei in siem hiding chi hi.
Manipuri footballer te’n Indian national team ban ah professional football clubs tuomtuom ah bawlhoi ahidan gen a, U-17 FIFA World Cup hun in zong state kimawlmi 8 te’n bawlhoi mama ahidan tahlang hi. Tualeh I-League a North East state amau team neijou umsun Manipur ahidan tahlang hi.
YAS Minister Shri Letpao Haokip in Manipur ah talent hoi tamtah um a, football mai hilou in sports discipline tuomtuom ah zong tampi um ahidan tahlang hi. Tualeh President of India, Shri Ramnath Kovind in Manipur ahileh ‘Sports Capital of India’ chia minvaw ahidan tahlang hi.
Chief Minister pa’n zong state apat U-14 boys Athletic de Madrid Football Academy a training neiding mi 5 teng kipahpina nei hi. Amaute ahileh Asem Maingou Singh (Winger), Meramayum Raju (Midfielder), L. Rameshor (Winger), N. Mahesh Singh (Striker) leh Zlex Mangang (Defender) hi uhi. Secretary (YAS) Shri Bobby Waikhom, Sports Head of Tata Trusts, Shri Biswanath Sinha, Jonal Head of (East and North East) of Tata Trusts, Shri Vijay Yagnamurthy, international footballers leh sports persons te’n zong vaiguon uop uhi.