galaxy s10

Samsung Galaxy S10 in Camera 5 neiding

Tech News

Bang ja man ding in na gingta ei?

Report dungzui in Samsung Galaxy S10 ahileh chi 3 in suokhiet hiding a, tuate lah a sang pen leh hoi pen in Camera 5 neiding hi. Amai lam ah Camera 2 umding a, anua lam ah Camera 3 umding hi. Samsung Galaxy S9+ ban a suokhiet ding Samsung Galaxy S10 in amai lam a Camera 2 na pen ahileh facial recognition bawl nading a 3D face scanner in zang ding hi. Tualeh tam Korean tech company in Camera nina pen augmented reality-based emojis ading in zong zah sawm hi.

Samsung Anniversary umding toh kisai in Anniversary edition flagship phone dan in Galaxy S10+ (codenamed Beyond 2), Galaxy S10 (codenamed Beyond 1) leh codenamed Beyond 0 siem ding uhi. Aman tampen ding Galaxy S10+ Beyond 2 nua lam ah Camera 3 umte lah ah alai ah 12-MP main sensor f/1.5-f/2.4 umding a, zietlam ah 16-MP super-wide-angle lens (123-degrees) f/1.9 aperture umding a, veilam ah zoom lens 13-MP sensor f/2.4 aperture um ding hi.

Beyond 1 leh Beyond 2 ah in-display fingerprint scanner umding a, Beyond 0 a fingerprint scanner ahileh anulam a umding hi. Samsung in 3D face unlock um thei nading in zong panla uhi. Tualeh 5G zahthei nading chipset artificial intelligence (CPU, GPU leh neural processing unit) toh kithuo ding a, super-fast UFS 3.0 storage, LPDDR5 RAM, 93 percent screen-to-body ratio, 9th-generation Super AMOLED display, 3D AI processing camera app leh L-shaped battery neiding hi.

Leave a Reply

Your email address will not be published. Required fields are marked *